Xəbərlər
Yasamal Rayon Komitəsində kollektiv müqavilələrin imzalanması prosesi başa çatıb
28/11/2025, 11:55

Elm və Təhsil İşçiləri Həmkarlar İttifaqı Yasamal Rayon Komitəsinin fəaliyyət dairəsinə daxil olan bütün ümumtəhsil məktəblərində və məktəbəqədər təhsil müəssisələrində müəssisə rəhbərləri ilə ilk həmkarlar ittifaqı komitələrinin sədrləri arasında 2025–2027-ci illəri əhatə edən kollektiv müqavilələrin bağlanması prosesi tam başa çatıb.
Bu müqavilələr əmək münasibətlərinin tənzimlənməsi, pedaqoji və texniki heyətin sosial-iqtisadi və hüquqi təminatlarının daha da möhkəmləndirilməsi, eləcə də iş yerlərində qarşılıqlı anlaşma və səmərəli əməkdaşlıq mühitinin gücləndirilməsi baxımından böyük əhəmiyyət kəsb edir.

















