Xəbərlər
Yubiley tədbirləri keçirilmişdir

Yaşla bağlı olaraq əmək müqaviləsinə xitam verilmiş və yubiley yaşı tamam olan həmkarlar ittifaqı üzvlərimizin çoxillik səmərəli fəaliyyətini, təhsil sahəsindəki zəhmətini yüksək qiymətləndirmək məqsədilə əlamətdar tədbir təşkil olunmuşdur.
Tədbirdə Elm və Təhsil İşçiləri Həmkarlar İttifaqı Oğuz Rayon Komitəsinin sədri Fərman İbrahimov, müəssisə rəhbərləri, ittifaqın fəal üzvləri və dəvət olunmuş qonaqlar iştirak etmişlər.
Çıxış edənlər yubilyarları bu əlamətdar gün münasibətilə səmimi qəlbdən təbrik edərək, onlara uzun ömür, möhkəm cansağlığı, şəxsi həyatlarında və gələcək fəaliyyətlərində yeni-yeni uğurlar arzulayıblar. Bildirilib ki, təhsil sahəsinə uzun illər xidmət etmiş bu fədakar insanların təcrübəsi hər zaman yüksək dəyərə malikdir.
Öz növbəsində yubilyarlar da göstərilən böyük diqqət və qayğıya görə Elm və Təhsil İşçiləri Həmkarlar İttifaqı Respublika Komitəsinə və ETİHİ Oğuz Rayon Komitəsinin rəhbərliyinə öz dərin minnətdarlıqlarını və təşəkkürlərini ifadə etmişlər.
Tədbirin sonunda yubilyarlara həmkarlar ittifaqı tərəfindən hədiyyələr təqdim olunmuş və xatirə şəkilləri çəkdirilmişdir.








